The Official Website of Aizawl Football Club
  • Home
  • News
  • AIZAWL FC, NEIDA LEH Mizoram SSA HMALAKNA-IN TRAINERS TRAINING REFRESHER COURSE CUM CPR TRAINING NEIH A NI.

AIZAWL FC, NEIDA LEH Mizoram SSA HMALAKNA-IN TRAINERS TRAINING REFRESHER COURSE CUM CPR TRAINING NEIH A NI.

Posted on Wednesday, September 28, 2016

Vawiin ni 29.09.2016 Nilaini khan Aizawl FC, NEIDA leh Mizoram SSA te thawhhona hnuaiah Mizoram hmun hrang hranga football center 60 coach-te leh Aizawl FC Academy Coach te tan Trainers Training Refresher Course cum CPR training chu RG Stadium, Mualpui-ah neih a ni a.

He training hi NEIDA lam atangin Pu Jacob Lalfakzuala, Senior Project Associate leh TATA Trust atangin Pu Brijinder Anand, Programme manager, sports division ten an rawn hmanpui a. Tin, Mizoram SSA atangin Pu Hmingsanga, Programme Coordinator chuan a rawn hmanpui bawk.

Coach-te tana Refreshers Course training hi Pu Jahar Das, Head of Youth Development, Aizawl FC chuan a pe a. Tin, CPR training hi Dr. Lalzarmawia Khiangte, Sports Medical Officer, Mizoram State Sports Council chuan a pe bawk.

Pu Jahar Das an mizo in training mumal neilo a player tha tak kan neih theihna chhan te sawiin grasroots training-ah chuan football nuam ti taka khelh a pawimawh thu leh naupang te an nih lai atanga football hmangaih thei tura zirtir a pawimawh thu a sawi a. Tin, Academy camp tina kan player neih that te an skills nasa leh zuala develop dan tur a sawipuiin practical training session mumal takin a neih pui bawk a ni.

Practical session-ah hian naupang zawng zawng a ruala inkhelhtir dan te leh coach tha nih theih dan tur a sawipui in a takin a hmuhtir a. Naupang an theihna hriatchian a tul dan leh an skill level zawn chhuah dan te leh an skill level ang zela training kalpui dan tur sawipuiin a takin practical session ah a entir bawk.

Dr Lalzarmawia Khiangte (MAPUIA) chuan CPR training neihpuiin inkhelh laia inhliam(injury) neih thin langsar zualpui - entirnan- Dar pelh, ke bilh, kiu pelh leh streching exercise naupang tana tangkai tur sawipuiin in a practical a entirna hun a hmanpui bawk.
 

Your Comments