Aizawl FC chu MPL Playoff khel turin a inpeih ta!!
Aizawl FC player te chuan tukin khan Lammual ah MPL Playoff-a an jersey hak turte an dawng a, team official te kaihhruaina hnuaiah light training hlimawm tak an nei bawk. I-League club ONGC a kal tur Aizawl FC captain hlui David Lalrinmuana leh Abraham te chuan an teammate hluite hnenah jersey set hi an hlan a ni.
Naktuk Inrinni chawhnu hian College Veng FC nen MPL playoff-a an match hmasa ber an khel dawn a, Aizawl FC players leh official te chuan anmahni tan turin ghe group member zawng zawng an sawm a, a free a luh theihna tur entry card pawh Glitz, Dawrpui, HT Auto, Khatla leh Vankal Hardwares, Vaivakawn ah te a lam theih nghe nghe.
Aizawl FC hian MPL playoff chhung hian an first choice jersey, a rawng sen an ha tluan chhuak zak dawn niin Manager Hmingthansanga chuan a sawi a, an kawr hmaah hian club sponsor tu lian TT NECS logo nalh tak a chuang kalh bawk a, he kawr hi hlut leh chhuang tak chungin an inkhelhpui dawn a ni.
Duhsakna sang ber kan hlan e.